迷情紫苏

我是一傻冒.

一大傻冒.

今日终于见到主角喇.

捻起一句歌词"期待看看你那万人迷,场地就在你婚礼"

毫无征兆,毫无准备.Vivian空降Rainbow.无想象中甘靓、甘elegant、甘万人迷.有既只系阳光般笑容,细细粒既身材.会有一刹那觉得难以理解,不过当见到Harry 同Vivian着住明显已经着左好多年既POLO情侣装,同埋听到Maria讲距地已经拍左拖8年,我终于明白.相信真爱无敌.

我会理解,我会接受,我会想通.对于阶段性既问题,我可以解决,我绝对无问题.

正如好似计成本甘,要懂得放开胸怀去问人.无野系难到我的.

哩几日好犀利啊.一直被认为系我禁地既厨房,我出出入入好多次.系真真正正下厨哦.

无左啊爸啊妈系度JI JI ZA ZA,觉得个人煮野都free D.

当然,哩D归功于KLM大厨过来教路同埋激起我对下厨既兴趣啦.

           大厨啊大厨,气派非凡                     系大厨面前唔敢逞强,做助手就好喇

       百合无花果南北杏虫草花煲瘦肉汤+双丸小堂菜+茄蛋

     另类午餐——土豆冬菇肠仔煮五谷道场

    美味宵夜——蒸奶黄包12个

觉得自己有D无聊添

继续流水帐记录我系彩虹既第二日

终于开始系工厂实习,哩一日上午同听日上午我都系仓库实习.

大插曲:今日异常惊险,琴晚搞下搞下,搞到1点先训,结果搞到今朝唔知醒.听到人地好大声甘关门,我终于意识到系时候要起身.一睇手机,哇,8点17分,净系哩个时间,我已经迟到17分钟喇.好急忙甘冲落楼,点知原来自己无戴眼镜,翻翻上楼罗眼镜,跑翻翻公司,8点45分到步.足足迟左45分钟,一个月既全勤就甘系今朝毁于一旦.

系仓库度睇左作业流程,睇左产品标签,跟住啊小丽姐入旧楼仓库好粗略甘行左一行，睇左一睇.跟住去埋新楼既仓库,系个度李勇大哥教左我好多野.先系甘岩碰到今日有新料入仓,睇左距系点收货的.继而李大哥比较系统地同我讲左仓库既构成同一D材料既知识,面对如此talkative同埋有责任心、公司心既同事，我觉得彩虹其实好幸运。

下午就忙喇，系office都无停过。寄样品，学计成本，手工输入寿命测试报告，搞样板打板管理，搞quotation。琳琳总总（有无写错？），乜都有，连去个厕所都唔得闲啊。搞下搞下，又过7点喇。7点啊，足足加班加左两个钟。廉价劳工就系甘来的。

其实还是有暗涌的，好惊HarryD无脚步声既靠近，好惊距望住我做野，硬系觉得好别扭。算啦，学细佬话斋，慢慢会惯架喇。

 后记：公布琴日脑筋急转弯答案。

1。因为只猪系猪乸.(猪乸会上树嘛)

２。因为只猪唔识脑筋急转弯。

一定要强迫自己写日志

暂且流水帐记录下我第一日系彩虹既情况

7点10分既闹钟,带住朦胧的睡意,紧张而又有序地开展我的准备工作.果然时间唔够用,约了christina7点45分在路口等,结果还是迟到了几分钟.8点前回到彩虹,还未来得切熟悉环境,身边已经有很多声音与很多事情了.填入职表,交相片,抄写员工手册考试,到仓库领文具与工具,跟着maria在新旧楼之间来回穿梭认识每个车间与负责人,回到办公室填写快递单,学睇图纸,记录如何打电话,填质量单等等等等.Maria似乎很想很快很快地教会我很多东西很多事情,当然我都好认真去学,只是觉得很累.忙的时候时间过得很快,在我感到严重肚饿的时候,几乎到中午12点了.Maria说下午要去东莞出差,去SEASON 时信倾下一D样板既问题.Harry叫埋我一齐去,于是系工作既第一日,我就有一次出差经验喇.

听住各位工程人员,QC人员系度热烈地讨论对称度唔够,批锋太多,检验报告如此种种,觉得自己甚是局外人,真系有好长一段路要走啊.不过对于大家problem solving oriented既态度,我觉得好佩服,尤其是Harry,有一种好大气的感觉.大家都好积极去面对问题,稳出问题的原因,同埋探讨各种解决既办法.哩个正系我所认同并要学会的.经过一番热烈既讨论,时间来到下午4点50分了.沿路返回彩虹,到达以是6点半.仲未完,Maria拉着我到前台电脑教我如何使用彩虹DOS旧系统,半知半解地对哩个系统有了初步的认识.7点,只闻一声"Maria同埋新黎个个",Harry叫我地一齐去食饭了.算是庆祝我的新入职.Harry, Dan, 黎师傅,Maria, Christina同埋我一行六人去到凤凰城一间日本餐厅食饭.哩间餐厅系我同Harry仲系朋友个时已经早有耳闻,话差不多系Harry既饭堂了.事实上个度既野几好食.贵都贵得有价值既.

席间又有我好喜欢既讨论环节,讨论左顺德既鱼生,Maria既脑筋急转弯,社会主义初级阶段等等,我真系超级enjoy哩种好好玩既讨论.饭后,Maria还想有余兴,其实我prefer翻屋企,因为我真系好累,而且想留D时间梳理下今日所见所闻.但最终还是去了打桌球,anyway,我都喜欢哩样野,just enjoy it. 打美式桌球令我勾起同KLM一齐打桌球既情景,好想以后都可以多D打多D练.时间黎到10点,系时候散伙.Harry送我地三个女仔翻去.归程途中,听到Harry讲电话,觉得有D暗涌,忽然间又觉得自己好傻,唔知自己究竟系度做紧D乜.如果人生真系有一个超级迷朦既状态,我捻就系哩个时候.我唔知道自己究竟系米清楚自己以后条路会系点走.

Anyway,我始终觉得自己都要实际D.我还是很挂念KLM.起码我想第一时间话距知,我今个星期有双休,可以去玩,甚至可以去澳门.

流水帐记完,其实我想趁今晚有时间去查一查有关弹簧既野,查一查时信既背景知识,睇一睇彩虹既员工手册.不过哩D都要留待听日喇,原来做左野之后,真系觉得时间好少好少,个人好忙好忙.不过我会学识习惯,我唔要做普通人.

后记,提供Maria的一个脑筋急转弯:

一只猪以时速80公里每小时向一棵树奔去,点解距唔避开棵树呢???

答案有两个,一个系Maria的标准答案,一个系我捻既答案.欲知后事如何,请听下回分解.